كوچو دمايي شاعير و نويسه‌رو هوراماني ميرزا حه‌مه‌لاوي مورادي

 

ته‌ماشه‌که‌رده‌ی ئا وه‌خته‌وه‌شا . . . شه‌وه‌ی وه‌لینه‌ وه‌شتێ وارابۆ زه‌مینی ته‌شنه‌ش ئاوی دارابۆ خه‌له‌هۆرێشێ که‌رۆ ، نیمه‌ش وته‌بۆ وارانی رۆوه‌و گۆلاش شته‌بۆ پلوره‌وارانێ گنۆ ئا که‌شا ته‌ماشه‌که‌رده‌ی ئاوه‌خته‌وه‌شا مه رحوم ميرزا حه‌مه‌لاوي مورادي

ته‌ماشه‌که‌رده‌ی ئا وه‌خته‌وه‌شا . . . ساحبێ زو هۆرزی نمات که‌ردێ بۆ نامێ خوای و خاسات به‌ردێ بۆ زیابیره‌به‌رۆ گه‌له‌نه‌زیابۆ چایخانه‌و بانو حۆزی نریابۆ بلیۆ په‌ی یانه‌ی ماس خاس گریابۆ وه‌ر نه‌کۆته‌بۆ ، چای نه‌وریابۆ وه‌ره‌تاو گنۆ به‌رزو ئا که‌شا ته‌ماشه‌که‌رده‌ی ئا وه‌خته‌وه‌شا

---

رۆ يه‌كشه‌مه‌ ، ويسو يه‌رێ رێبه‌ندان ( به‌همن ) و ئێسالي ، شه‌وه‌ی وه‌لینه‌ وه‌شتێ وارابێ و   زه‌مینی ته‌شنه‌ش ئاوی دارابێ ساحبێ زو هورست . . .  به‌لام ئي جاره‌. . . 

لالۆ حه‌مه‌لاوي مرادي   ، شاعێر ، نويسه‌ر  و  هۆراماني  كۆچي دمايي ش كه‌رد . لالۆ حه‌مه‌لاو  چه‌ني كۆره‌گۆره‌كه‌يش كاك عێزه‌تي مۆرادي كه‌ئاديچ پێسه‌تاته‌ي ده‌سێوه‌بالاش جه‌شێعرو فه‌رهه‌نگ و هۆراماني بێ جه‌كاره‌ساتێ ئوتۆمبيلي ( ماشيني ) كۆچي دمايي شا كه‌رد .

خه‌يلێوه‌ن حه‌ز كه‌رێنا ياوو خزمه‌تش به‌لام به‌داخۆ ! . . . مه‌جال  نه‌بي . . . ديسان به‌داخۆ ! . . . 

ئێمه ‌پێسه ‌په‌ليانه‌و پاوه‌و هۆراماني و هه‌رپاسه ‌په‌ليانه‌و كويله‌ي ئي كاره‌ساته‌ خه‌مينه‌يه‌ به‌گردو خه‌لكو هوراماني و فه‌رهه‌نگ دۆسا  ولاته‌كه‌يما سه‌ره‌وه‌شي ماچمێ ! به‌راسي ياگێ ئانه‌يه‌نه‌ كه‌ به ‌ئه‌شناساي فره‌ته‌ريش  قه‌در و حۆرمه‌تو  مانيايش پي فه‌رهه‌نگ و ولاته‌كه‌يش  فره‌ و فره‌ته‌ر گێرمێ .

ئانه ‌سه‌رۆ ئاما دوێ پارچه‌ شێعرێ جه‌لالۆ حه‌مه‌لاوي يه‌نێ  . . .  ئي په‌ليانه ‌ئايه‌نده‌نه ‌فره‌ته‌ر باس چي كه‌سايه‌تيه ‌كه‌رۆ . . .